Tuesday, June 22

भ्याक्सिन लगाउँदा महिलाको स्वास्थ्य बिग्रियो, डाक्टरले बेवास्ता गर्दा अस्पतालको गेटमा मृत्यु

May 1, 2021 28

काठमाडौं। कोरोनाभाइरसको भयावह संक्रमणका बीच गरिब तथा निम्न वर्गका जनताहरुले निकै ठूलो कष्टको सामना गर्नु परिरहेको छ । कैयौं देशमा स्वास्थ्य संयन्त्रले जनतालाई आवश्यक स्वास्थ्य सेवा उपलब्ध गराउन सकिरहेका छैनन् । यस्तै मानवतालाई लज्जित बनाउने घटना भारतको राजस्थानको धौलपुर जिल्लामा भएको छ । जिल्लाको बाडी उपखण्ड राजकीय अस्पतालमा पुलिस र स्वास्थ्यकर्मीको लापरवाहीका कारण एक महिलाको ज्यान गएको छ ।

भारतीय मिडियाका अनुसार रामसिंह कुशवाहकी ५५ वर्षकी पत्नी नत्थोको स्वास्थ्य बिग्रिएपछि उनलाई बाडीको सरकारी अस्पतालमा लगिएको थियो । परिवारका अनुसार एम्बुलेन्स नपाएपछि महिलालाई मोटरर्साकलमा अस्पताल लगिएको थियो तर बाटोमा पुलिसले समात्यो । २ सय रुपैयाँ जरिवाना तिरेर उनीहरुलाई पुलिसले जसोतसो छोडिदियो । महिलालाई बाडीको सरकारी अस्पताल लगियो तर डाक्टरहरुले महिलातिर ध्यान नै दिएनन् । डाक्टरले पर्चीमा कोरोना परीक्षण गराउने लेखिदिएर पठाए ।

परिवारले परीक्षण गराएर फर्किंदासम्म महिलाको अस्पतालको गेटमै कृत्यु भइसकेको थियो । परिवारले डाक्टरहरुलाई बोलाए र कुनै पनि डाक्टरले महिलाको नाडी समेत छामेनन् । डाक्टरले टाढैबाट परिवारलाई महिलाको मृत्यु भएकोले घर लैजान भने । डाक्टरले महिलालाई मृत घोषित गरेपछि त्यहाँ हल्लाखल्ला भयो । घटनाबारे थाहा पाएपछि एसडिएम राधेश्याम मीणा र पुलिस उप अधिक्षक बाबुलाल मीणा घटनास्थल पुग्दा परिवारले भारी विरोध गरे ।

महिलाका आफन्त नवल सिंह कुशवाहका अनुसार १० दिन पहिले महिलाले भ्याक्सिन लगाएकी थिइन् त्यसपछि उनको स्वास्थ्य बिग्रिन सुरु भएको थियो । महिलाको स्वास्थ्य बिग्रिएपछि बसेडीको सरकारी अस्पतालमा भर्ना गरिएको थियो तर बुधधार स्थिति धेरै बिग्रिएपछि बाडीको सरकारी अस्पताल लगिएको थियो जहाँ उनको मृत्यु भयो ।

प्रतिकृया दिनुहोस्